Bu il İslam İnkişaf Bankı Qrupunun İllik Toplantıları çərçivəsində keçirilən Özəl Sektor Forumunda ilk dəfə olaraq bu ilin əsas diqqət mərkəzi olaraq Özəl Sektor Mükafatlarını da keçirdik və açılış mərasimində yeddi qalib mükafatlandırıldı.

"APA-Economics" xəbər verir ki, bu barədə İslam İnkişaf Bankı Qrupunun Özəl Sektorun İnkişafı Korporasiyasının rəhbəri Khalid Khalafalla Bakıda keçirilən İslam İnkişaf Bankının İllik Toplantıları çərçivəsində təşkil olunan mətbuat konfransında bildirib.

"Sazişlər baxımından isə demək olar ki, 32 saziş və anlaşma memorandumu Özəl Sektor Forumu çərçivəsində imzalandı. Bunlara Azərbaycanın beş tərəfdaşı ilə açılış mərasimində imzalanmış beş saziş də daxildir. Təbii ki, müxtəlif dinamik sektor forumları, biznes icmasının iştirak etdiyi virtual sağlamlıq platforması da görüşlərimizə qoşuldu. Biz həmçinin 250-dən çox B2B və B2G görüş keçirdik və ümid edirik ki, bu da biznes imkanlarının yaradılması üçün bir başlanğıc və yeni imkanlar platforması olacaq", - deyə o qeyd edib.

O həmçinin ICIEC-nin 2025-ci il üzrə nəticələrimiz və fəaliyyətləri barədə də məlumat verib:

"ICIEC 2025-ci ildə üzv ölkələr arasında ticarət və investisiya sahəsində 17,7 milyard dollar həcmində biznes göstəricisi əldə etdi. Əməliyyatlarımız 6,000-dən çox KOBİ-ni dəstəklədi, bu da sığorta əməliyyatları vasitəsilə təmin edildi və biz təxminən 290,000 iş yerinin yaradılmasına töhfə verdik.

"Azərbaycanla bağlı olaraq, bizim tərəfdaşlığımız 1993-cü ildə Azərbaycanın ICIEC-ə qoşulması ilə başlayıb və bu günə qədər əsasən ticarət sahəsində, eyni zamanda telekommunikasiya sektorunda birbaşa xarici investisiyaların cəlb edilməsi məqsədilə 165 milyon dollar həcmində biznes sığortası ilə dəstək göstərmişik. ICIEC olaraq Azərbaycanda daha çox biznesin inkişafı üçün böyük potensial mövcuddur".

Oxşar xəbərlər

Bakıda İslam İnkişaf Bankı Qrupunun İllik Toplantıları öz işinə başlayıb - FOTO

İslam İnkişaf Bankı Qrupunun sədri: Azərbaycanla əməkdaşlıq yeni mərhələyə qədəm qoyub

Xalid Xalafalla: Bakıda Özəl Sektor Forumunda 30-dan çox sənəd imzalanıb

İslam İnkişaf Bankı Qrupunun Azərbaycanda layihələrə ayırdığı vəsaitin həcmi bilinib

IsDB-nin İllik Toplantıları çərçivəsində Qlobal İslam İqtisadçıları Proqramına start verilib