Qlobal neft və enerji təchizatı zəncirlərində yaranmış fasilələrlə müşayiət olunan qlobal böhran, eləcə də ümumi təchizatın 30 faiz azalması göstərdi ki, bu gün əsas prioritet təhlükəsiz və etibarlı enerji təminatıdır.

"Sizinxeber.az-Economics" xəbər verir ki, bu barədə 31-ci Bakı Enerji Forumunda çıxış edərkən Azərbaycanın energetika naziri Pərviz Şahbazov bildirib.

Onun sözlərinə görə, bu kontekstdə geosiyasi dəyişikliklər, tranzit marşrutlarının yenidən formalaşması və artan qeyri-müəyyənlik fonunda Azərbaycan Respublikasının Prezidenti cənab İlham Əliyevin rəhbərliyi altında Azərbaycanın strateji əhəmiyyəti daha da artır.

"Xəzər dənizini Qara dəniz, Aralıq dənizi və Adriatik dənizi ilə sabit marşrutlar vasitəsilə birləşdirən Azərbaycan etibarlı enerji təchizatçısı olmaqla yanaşı, Xəzər regionunu Orta Dəhlizin əsas logistika və bağlantı mərkəzlərindən birinə çevirən mühüm strateji aktor kimi çıxış edir", - nazir qeyd edib.

Onun sözlərinə görə, əgər XX əsrdə dövlətlərin gücü əsasən istehsal həcmi ilə ölçülürdüsə, XXI əsrdə bu gücü müəyyən edən əsas amillər təhlükəsiz marşrutlar, bağlantılar və etibarlı tərəfdaşlıqdır. Azərbaycan isə bu üstünlüklərin hamısını özündə birləşdirən nadir ölkələrdəndir.

Oxşar xəbərlər

Pərviz Şahbazov: Azərbaycan həm bu günün, həm də gələcəyin enerji təhlükəsizliyinə töhfə verir

Pərviz Şahbazov: “Enerji bazarında sabitlik üçün diversifikasiya zəruridir”

Pərviz Şahbazov: Enerji təhlükəsizliyi artıq milli təhlükəsizlik məsələsinə çevrilib

Nazir: Azərbaycan Aİ-yə boru kəmərilə nəql olunan qazın həcminə görə 7% payla dördüncü təchizatçıdır

Nazir: Azərbaycanda enerji istehsalı strateji inkişafın yeni mərhələsinə qədəm qoyur