Pakistanın Baş naziri Şahbaz Şərif və Türkiyə Prezidenti Rəcəb Tayyib Ərdoğan telefon danışığı zamanı ikitərəfli münasibətlərin inkişafını və gündəlikdə duran regional məsələləri müzakirə ediblər.

"Report" xəbər verir ki, bu barədə Ş. Şərif "X" sosial şəbəkəsində paylaşım edib.

Onun sözlərinə görə, söhbət səmimi və dostluq şəraitində keçib. Tərəflər Qurban bayramı münasibətilə bir-birlərini təbrik edib, Pakistan və Türkiyə arasında tarixi və uzunmüddətli münasibətlərin möhkəmliyini bir daha təsdiqləyiblər.

"Biz ticarət, investisiya və regional əlaqəlilik sahələrində əməkdaşlığın sürətləndirilməsi, həmçinin regionda sülh, sabitlik və dialoq məsələlərində sıx koordinasiyanın davam etdirilməsi barədə razılığa gəldik. Prezident Ərdoğana Pakistanın rəhbərliyi ilə həyata keçirilən sülh təşəbbüslərinə göstərdiyi davamlı dəstəyə görə təşəkkür etdim və Bəlucistanda baş vermiş faciəvi terror hücumundan sonra bizimlə nümayiş etdirdiyi həmrəyliyi yüksək qiymətləndirdim", - o yazıb.

Tərəflər həmçinin terrorizmə qarşı birgə mübarizəyə, regionda sülhün, sabitliyin və inkişafın möhkəmləndirilməsinə sadiq olduqlarını vurğulayıblar.

Oxşar xəbərlər

Ərdoğan və Şahbaz Şərif İsrail-İran gərginliyini müzakirə ediblər

Ərdoğan Şəriflə regional məsələləri müzakirə edib

Pakistanla Türkiyə liderləri ikitərəfli və regional məsələləri müzakirə ediblər

Azərbaycan və Pakistan qlobal gündəmə aid məsələləri müzakirə edib

Paşinyan Ərdoğanı Qurban bayramı münasibətilə təbrik edib