Bu il aprelin 1-nə Azərbaycanın strateji valyuta ehtiyatları 73 milyard 766,7 milyon ABŞ dolları təşkil edib.

“Sizinxeber.az” xəbər verir ki, bunun 85,1 %-i və yaxud 62 milyard 740,2 milyon ABŞ dolları Dövlət Neft Fondunun (ARDNF), 14,9 %-i və yaxud 11 milyard 26,5 milyon ABŞ dolları isə Azərbaycan Mərkəzi Bankının (AMB) payına düşüb.

Bu ilin I rübündə ölkənin valyuta ehtiyatları 2 milyard 775,8 milyon ABŞ dolları və yaxud 3,9 % artıb. Belə ki, ARDNF-in valyuta ehtiyatlarında 2 milyard 708,8 milyon ABŞ dolları və yaxud 4,5 %, AMB-nin valyuta ehtiyatlarında isə 67 milyon ABŞ dolları və yaxud 0,6 % artım olub.

Son 1 ildə isə ölkənin valyuta ehtiyatları 4 milyard 739,5 milyon ABŞ dolları və yaxud 6,9 % artıb. İl ərzində ARDNF-in valyuta ehtiyatları 5 milyard 367,4 milyon ABŞ dolları və yaxud 9,4 % artım, AMB-nin valyuta ehtiyatları isə 627,9 milyon ABŞ dolları və yaxud 5,4 % azalma nümayiş etdirib.

	ARDNF-in valyuta ehtiyatları (milyon ABŞ dolları)	AMB-nin valyuta ehtiyatları (milyon ABŞ dolları)	Azərbaycanın strateji valyuta ehtiyatları (milyon ABŞ dolları)
01.04.2025	62 740,2	11 026,5	73 766,7
01.01.2025	60 031,4	10 959,5	70 990,9
01.10.2024	61 697,6	11 795,8	73 493,4
01.07.2024	58 000,6	11 737,6	69 738,2
01.04.2024	57 372,8	11 654,4	69 027,2

Oxşar xəbərlər

IMF: Azərbaycanın strateji valyuta ehtiyatları 2030-cu ilə qədər 72 milyard dolları keçəcək

“S&P": AMB-nin valyuta ehtiyatları gələn il 150 milyon dollar artacaq

ARDNF valyuta satışını 3 dəfəyə yaxın artırıb

Azərbaycan Mərkəzi Bankının valyuta ehtiyatları 5 %-dən çox azalıb

ARDNF valyuta satışını 2 dəfədən çox artırıb