Bu gün Yaponiya ilə əlaqəli bir gəmi Hörmüz boğazından uğurla keçərək Fars körfəzinin hüdudlarından kənara çıxıb.

"Sizinxeber.az" xəbər verir ki, bu barədə Yaponiyanın Baş naziri Sanae Takaiti "X" sosial şəbəkəsindəki hesabında paylaşımında bildirib.

Məlumata görə, sözügedən gəminin göyərtəsində 3 heyət üzvü - Yaponiya vətəndaşı var. Nəticədə Yaponiya ilə əlaqəli bütün gəmilər Fars körfəzini (vəziyyət yarandığı an yaponiyalı heyət üzvlərinin sayı 24 nəfər olub) tərk edib.

"Bu gəminin keçidi ilə əlaqədar hökumət İranla da müxtəlif razılaşmalar aparıb. ABŞ və İran arasında memorandumun imzalanması fonunda hökumət Hörmüz boğazından azad və təhlükəsiz gəmiçiliyin tezliklə bərpası, eləcə də Yaponiya ilə əlaqəli olan 37 gəminin mümkün qədər tez bir şəkildə Hörmüz boğazından keçməsi üçün diplomatik səylərini davam etdirəcək", - S.Takaiti qeyd edib.

Oxşar xəbərlər

Yaponiya Hörmüz boğazından tankerin keçməsi üçün İrana pul ödəməyib

İran Yaponiya gəmilərinə güzəşt edəcək

İran Yaponiya gəmilərinə güzəşt edə bilər

SEPAH: Son gündə Hörmüz boğazından 23 gəmi keçib

İran Yaponiya gəmilərinə güzəşt etmək edə bilər