Azərbaycan dayanıqlı inkişafı dövlət siyasətinin əsas prioritetlərindən biri kimi müəyyən edib.

“Sizinxeber.az-Economics” xəbər verir ki, bunu BMT və Azərbaycan arasında Dayanıqlı İnkişaf üzrə Əməkdaşlığa dair Çərçivə Sənədi (2026-2030-cu illər) “Yüksək Səviyyəli Strateji Prioritetləşdirmə” seminarında çıxışı zamanı Azərbaycan iqtisadiyyat nazirinin müavini Səməd Bəşirli deyib.

O bildirib ki, ölkəmiz BMT-nin Dayanıqlı İnkişaf Məqsədlərini (DİM) qəbul edərək, onları dövlət strategiyalarına inteqrasiya edib. 50-dən çox dövlət proqramı və strategiya DİM-lərlə uyğunlaşdırılıb, Dayanıqlı İnkişaf üzrə Milli Əlaqələndirmə Şurası yaradılıb. Azərbaycan BMT-nin Yüksək Səviyyəli Forumuna artıq 4-cü Könüllü Milli Hesabatını təqdim edib. “Ölkəmiz "yaşıl enerji", rəqəmsal iqtisadiyyat və innovasiyalara əsaslanan iqtisadi model qurmaq üçün strateji addımlar atır. İşğaldan azad edilmiş ərazilərdə "Ağıllı şəhər", "Ağıllı kənd" və "Yaşıl enerji zonası" konsepsiyaları həyata keçirilir. Azərbaycanın 18-ci DİM kimi mina təhlükəsizliyinin tanınması təşəbbüsü isə dayanıqlı inkişafa yönəlmiş siyasətimizin bariz nümunəsidir” - nazir müavini qeyd edib.

Səməd Bəşirli həmçinin əlavə edib ki, hazırda icrası başa çatan 2021-2025-ci illər üçün Çərçivə Sənədi dörd əsas prioriteti əhatə edib. Bunlar inklüziv artım, güclü institutlar, ətraf mühitin qorunması və gender bərabərliyidir. Son illərdə BMT ilə birlikdə 142 milyon ABŞ dolları həcmində layihələr icra edilib.

Oxşar xəbərlər

Zakir Nuriyev: Azərbaycanda Yaşıl Maliyyə Fondunun yaradılmasına ehtiyac yaranıb [xfgiven_updateblue][/xfgiven_updateblue]

Nazir: Azərbaycan qlobal dayanıqlı inkişafda öncül mövqeyə sahib olmaq niyyətindədir [xfgiven_updateblue][/xfgiven_updateblue]

Nazir müavini: Dayanıqlı inkişafla bağlı standartlar qanunvericiliyə daxil edilməlidir [xfgiven_updateblue][/xfgiven_updateblue]

Emin Əmrullayev: Qarabağda təhsil və innovasiyalarla dayanıqlı inkişaf təmin ediləcək [xfgiven_updateblue][/xfgiven_updateblue]

COP29-da şəhər iqlimi fəaliyyətinin maliyyələşdirilməsi üzrə yüksək səviyyəli dəyirmi masa keçirilib [xfgiven_updateblue][/xfgiven_updateblue]