Bu ilin yekununda Azərbaycanda sığorta haqları 1,4 milyard manatı ötə bilər,

Bunu “Sizinxeber.az”a açıqlamasında "Azərbaycan Sığortaçılar Assosiasiyası" İctimai Birliyinin icraçı direktoru Elmar Mirsalayev bildirib.

"İlin əvvəlində biz sığorta haqlarının həcmi üzrə 1,4 milyard manatlıq həddi keçməyi hədəflədiyimizi elan etmişik. İlin sonuna qədər cari tempi qorumaq mümkün olsa, bu məqsədə çatacağıq. Sığorta bazarı hər il müxtəlif istiqamətlərdə gözlənilməz çağırışlarla üzləşsə də, biz davamlı artım dinamikasını qorumağı müvəffəq oluruq. Biz həmçinin bazarda illik ən azı 10 % artıma nail olmaq üçün sığorta sektorunun inkişafına yönəlmiş tədbirlər həyata keçiririk", - E.Mirsalayev qeyd edib.

Azərbaycan Mərkəzi Bankının məlumatına görə, bu ilin yanvar-iyun aylarında bazarda fəaliyyət göstərən 16 sığorta şirkəti 817,048 milyon manat məbləğində sığorta haqqı toplayıb. Bu, ötən ilin eyni dövrü ilə müqayisədə 12,7 % çoxdur.

Qeyd olunan dövrdə sığorta ödənişlərinin həcmi 432,198 milyon manat təşkil edib ki, bu da ötən ilin göstəricisini 21,4 % üstələyir.

2024-cü ildə Azərbaycanın sığorta bazarı üzrə ümumi yığımlar 1 milyard 353 milyon 185,4 min manat təşkil edib, bu isə 2023-cü ilin göstəricisindən 10,7 % çoxdur.

Ötən il toplanmış sığorta haqlarının ÜDM-ə nisbəti 1,1 % (2023-cü ilin yekunları üzrə 1 %) təşkil edib.

Oxşar xəbərlər

Azərbaycanda sığorta şirkətləri hava şəraitindən zərər görənlərə 4 milyon manatdan çox ödəniş edib

ASA: Bu il sığorta bazarı 10 %-dən çox böyüyəcək

Azərbaycanın sığorta bazarı 10 %-dən çox böyüyüb

Azərbaycanda təkrarsığorta haqları 10 % azalıb