İsveçrə millisi Kanada yığması üzərində qazanılan qələbənin dadını çıxaracaq.

"Report" xarici mediaya istinadən xəbər verir ki, bunu Avropa təmsilçisinin baş məşqçisi Murat Yakın DÇ-2026-da Kanadaya qarşı keçirilən oyundan sonra deyib.

Mütəxəssis qələbə qazandıqları qarşılaşmanı şərh edib:

"İşi özümüz üçün bir qədər çətinləşdirdik. Amma deməliyəm ki, bu gün komanda olaraq çox həmrəy və fədakar oyun nümayiş etdirdik. Topa nəzarət baxımından üstün idik. İlk hissə alışdığımız səviyyədə keçdi. Təəssüf ki, hesabı açmaq şansını dəyərləndirə bilmədik.

Bununla belə, fasilədən sonra meydana çox yaxşı qayıtdıq. Görüşün sonlarına yaxın bəzi topları diqqətsizlikdən itirdik. Ancaq ən vacibi odur ki, qələbəni qoruyub saxlaya bildik və matçı istədiyimiz nəticə ilə başa vurduq.

Bu qalibiyyət bizə əlavə özünəinam qazandırdı. İndi bir qədər dincələ və bu anın dadını çıxara bilərik. Qarşıdakı iki-üç günü istirahətə ayıracağıq, daha sonra isə pley-off mərhələsinə hazırlığa başlayacağıq".

Qeyd edək ki, B qrupunun sonuncu - III turunun matçında İsveçrə Kanadaya 2:1 hesabı ilə qalib gəlib.

Oxşar xəbərlər

İsveçrə millisinin baş məşqçisi Murat Yakın: "Əziyyətinin qarşılığını ala bilməmək acıvericidir"

Azərbaycan millisinin futzalçısı: “Cari mövsümdə keçirdiyimiz ən yaxşı oyunu xalsız başa vurduq"

Portuqaliya millisinin baş məşqçisi: "Konqo ilə matçda hücumdakı kəskinliyimizi itirdik"

Kanada millisinin baş məşqçisi Cesse Marş: "İsveçrəyə qarşı kifayət qədər aqressiv deyildik"

Luis de la Fuente: "Qazandığımız qələbə qarşıdakı matçlara inamla hazırlaşmağa imkan verir"