Cənubi Koreya ilə Azərbaycan arasında yeni əməkdaşlıq memorandumunun imzalanması məqsədəuyğun ola bilər.

"Sizinxeber.az-Economics" xəbər verir ki, Bakıda keçirilən ASOSAI-nin 62-ci İdarəetmə Şurasının iclasında çıxış edən Cənubi Koreyanın Audit və Təftiş Şurasının (BAI) komissarı Lee Mee Hyon, Azərbaycanla ali audit orqanları arasında yeni əməkdaşlıq memorandumu imzalanmasının məqsədəuyğun ola biləcəyini bildirib.

Onun sözlərinə görə, hazırda mövcud olan anlaşma sənədlərinə əlavə olaraq yeni razılaşmanın imzalanması gündəmdə olmasa da, bu təşəbbüs gələcək əməkdaşlıq üçün böyük imkanlar aça bilər: “Yeni bir anlaşma memorandumu indilikdə planlaşdırılmasa da, bu çox yaxşı ideyadır. Gələcəkdə bu istiqamətdə addımlar atıla bilər”, – deyə o qeyd edib.

Lee Mee Hyon həmçinin bildirib ki, Azərbaycan Hesablama Palatası tərəfindən Cənubi Koreya tərəfinə xarici auditin həyata keçirilməsi ilə bağlı müraciət daxil olub və bu məsələ hazırda nəzərdən keçirilir.

Oxşar xəbərlər

Bakıda ASOSAI və ARABOSAI yüksək səviyyəli toplantıları keçirilir - FOTO

Archana Shirsat: Süni intellekt və iqlim dəyişikliyi auditi sahəsində yeni qlobal təşəbbüslər üzərində işləyirik

Palata sədri: ASOSAI İdarə Heyətinə üzvlük həm etimad, həm də məsuliyyətdir

Svetlana Orlova: Audit qurumları DİM üzrə vahid yanaşma formalaşdırmalıdır

Nazir müavini: "Serbiya və Azərbaycan milli kitabxanaları arasında Anlaşma Memorandumu imzalanacaq"