Ukrayna Ordusunun gecə saatlarında Kerç yarımadasına PUA zərbələri nəticəsində 4 nəfər ölüb, daha 28 nəfər yaralanıb.

Bu barədə TASS məlumat yayıb.

Kerç bərə keçidində yerləşən “Panagia” bərəsi də hücuma məruz qalıb. Həmçinin Çuşka qəsəbəsində yerləşən neft terminalında yanğın baş verib.

***

saat 09.11

Ukrayna Ordusu pilotsuz uçuş aparatları (PUA) ilə Kerç və Krasnodarda limanlara zərbə endirib, yanğınlar baş verib.

Bu barədə UNİAN məlumat yayıb.

Qeyd edilib ki, səhər saatlarında Kerç şəhərinə zərbə dronları ilə kütləvi hücum həyata keçirilib. Kerçdə hədəflər arasında dəniz limanı, sənaye zonası, “TES-Terminal”, eləcə də neft məhsulları və mayeləşdirilmiş qazın saxlanılması və daşınması üçün istifadə olunan dəmir yolu terminalı yer alıb.

Krasnodar diyarında – Kerç boğazının Rusiya sahilində yerləşən “Qafqaz” limanında da güclü yanğın qeydə alınıb. Zərbə endirilən ehtimal olunan obyektlər arasında neft məhsullarının yüklənib-boşaldılması kompleksi, həmçinin bərəyə yüklənmədən əvvəl nəqliyyat vasitələrinin və yüklərin toplanaraq gözlədiyi meydança var.

Oxşar xəbərlər

Ukrayna ordusu Xersonda bazarı PUA ilə vurub, 7 nəfər ölüb, 20-dən çox yaralı var

KİV: Ukrayna Rusiyanın Tatarıstandakı PUA anbarını vurub

Rusiya MN Ukraynaya kütləvi zərbə endirilməsi barədə məlumat yayıb

Rusiya Xarkovda yaşayış binasını vurub: 1 nəfər ölüb, 9 nəfər yaralanıb

Rusiya ordusu Ukraynanın qaz və enerji infrastrukturuna zərbə endirib