Beynəlxalq Futbol Federasiyasının (FIFA) yeni qaydalarına əsasən, Paraqvay millisinin futbolçusu Miqel Almiron DÇ-2026-da münaqişəli vəziyyət zamanı əl ilə ağzını qapatdığı üçün meydandan qovulan ilk oyunçu olub.

"Report" xəbər verir ki, Almiron D qrupunun II turunun matçında Türkiyə yığmasına qarşı keçirilən oyunda qırmızı vərəqə alıb.

Birinci hissənin sonunda komandaların oyunçuları arasında qarşıdurma yaranıb. Almiron əli ilə ağzını qapadaraq türkiyəli Mert Müldürə müraciət edib. Meydandan qovulma qərarı VAR müdaxiləsindən sonra qəbul edilib.

Dünya çempionatı başlamazdan əvvəl FIFA qaydalara bir sıra dəyişikliklər edib. Buna əsasən, ağzını əli, çiyni və ya forması ilə qapadan istənilən oyunçu birbaşa qırmızı vərəqə ala bilər. Bu cür hərəkətlər danışığın məzmununu kameralardan gizlətmək cəhdi kimi qiymətləndirilir.

Qeyd edək ki, hazırda "ay-ulduzlu"lar hesabda geridədirlər - 0:1.

Oxşar xəbərlər

DÇ-2026: Türkiyə 10 nəfərlə qalan Paraqvaya qarşı - YENİLƏNİR-3

Portuqaliya-Çili matçındakı qarşıdurmadan sonra Leao və Roman meydandan kənarlaşdırılıb

DÇ-2026: Türkiyə Paraqvayla matçda fasiləyə məğlub yollanıb - YENİLƏNİR-2

Sebastyan Minye: "Braziliya millisi ilə qarşılaşmağımız bəxtsizlik idi"

"Barselona"nın müdafiəçisi XXI əsrdə Çempionlar Liqasında qırmızı vərəqə alan ən gənc futbolçu olub