“Azimut” aviaşirkəti Mineralnıye Vodı və Soçi hava limanlarından Azərbaycana uçuşları ləğv edib.

Bu barədə “Sizinxeber.az-Economics” “İnterfaks”a istinadən xəbər verir.

Məlumata görə, şirkətin Mineralnıye Vodıdan Bakı və Gəncəyə, eləcə də Soçidən Bakıya reysləri Azərbaycanın aviasiya hakimiyyət orqanlarının uçuş icazəsinin ləğv edilməsi ilə bağlıdır.

Dekabrın 25-də Qazaxıstanın Aktau yaxınlığında “Azərbaycan Hava Yolları” QSC-yə (AZAL) məxsus “Embraer 190” sərnişin təyyarəsinin qəzaya uğraması ilə bağlı araşdırmalar fonunda bir neçə xarici aviaşirkət Rusiya Federasiyasına uçuşları dayandırıb. Onların arasında AZAL-ın özü (Bakıdan Rusiya Federasiyasının 10 şəhərinə uçuşlar ləğv edilib), eləcə də Qazaxıstanın “Qazaq Air” (Astanadan Yekaterinburqa), İsrailin El Al (Tel-Əvivdən Moskvaya), Birləşmiş Ərəb Əmirliklərinin “Flydubai” (Dubaydan Soçi və Mineralnıye Vodıya) şirkətləri var.

Heydər Əliyev Beynəlxalq Aeroportundan da məlumatı “Sizinxeber.az-Economics”ə təsdiqləyiblər.

Oxşar xəbərlər

Rusiya aviaşirkəti Azərbaycana uçuşları ləğv edib

Qazaxıstanın aviaşirkəti "Astana - Yekaterinburq" üzrə reysləri dayandırıb

İsrail aviaşirkəti təyyarə qəzası səbəbindən Moskvaya uçuşları dayandırıb

İsrail aviaşirkəti Azərbaycan təyyarəsinin qəzaya uğramasından sonra Moskvaya uçuşları dayandırıb

AZAL: Rusiya istiqamətində uçuşlarla bağlı yaxın zamanda məlumat açıqlanacaq