İran Xarici İşlər Nazirliyinin (XİN) sözçüsü İsmayıl Bəqai bildirib ki, ABŞ-nin İranla ədavəti bir razılaşmanın imzalanması ilə yox olmayacaq.

"Sizinxeber.az" xəbər verir ki, İ. Bəqai bunu "X" sosial şəbəkə hesabında yazıb.

"İran son 50 ilin təcrübəsini, xüsusən son bir il yarımın hadisələrini nəzərə alaraq, hər bir addımı diqqətlə atacaq", - o bildirib.

Bəqainin fikrincə, Amerikanın hakim dairələri İran xalqına münasibətdə heç vaxt dürüstlük nümayiş etdirməyib. "Belə bir etimadsızlıq üçün bütün əsasları olan İran xoş niyyətlə diplomatik prosesə qoşulub və müharibənin dayandırılması haqqında memorandum imzalayıb", - XİN sözçüsü xatırladıb.

Onun sözlərinə görə, ABŞ rəsmilərinin müharibənin dayandırılması haqqında memoranduma dair ziddiyyətli bəyanatları İranın etimadsızlığını azaltmağa kömək etməyəcək:

"Amerikanın hakim dairələri yadda saxlamalıdır ki, "öhdəliyə qarşı öhdəlik" prinsipi qarşılıqlı öhdəliklərin yerinə yetirilməsini və memorandumun aydın mətninə tamamilə zidd olan şərhlərdən qaçınmağı nəzərdə tutur".

Xatırladaq ki, Bəqai daha əvvəlki paylaşımında ABŞ dövlət katibi Marko Rubionun İrana qarşı səsləndirdiyi ittihamlara cavab verib.

Oxşar xəbərlər

Bəqai: ABŞ və İsrail İranla yeni müharibə üçün mümkün atəşkəsdən istifadə edəcəklər

Bəqai: İran nümayəndə heyəti bir neçə saatdan sonra İsveçrəyə yola düşəcək

Bəqai: İran Fars körfəzi dövlətləri ilə münasibətlərə böyük əhəmiyyət verir

İsmayıl Bəqai: İranın hər yerində çox sayda insan öldürülüb

Pezeşkian və Tramp anlaşma memorandumunu imzalayıb