Qazaxıstanın "KazMunayQaz" milli şirkətinin törəmə strukturu "Kazmortransflot" 2026-cı ilin may ayında Aktau-Ələt (Bakı) marşrutu üzrə iyirmi fut ekvivalentində 7 451 konteyner daşıyıb ki, bu da şirkət üçün Transxəzər Beynəlxalq Nəqliyyat Marşrutunda (TBNM) rekord göstərici olub.

"Report" xəbər verir ki, bu barədə "KazMunayQaz" məlumat yayıb.

Bildirilib ki, yüksək nəticə yük axınının "Barıs", "Berkut" və "Sunkar" konteyner gəmiləri, eləcə də "Türküstan" və "Beket Ata" quru yük gəmiləri arasında səmərəli şəkildə bölüşdürülməsi hesabına təmin edilib. Bu isə Aktau və Ələt limanları arasında gəmilərin daxilolma intensivliyini artırmağa imkan verib.

Qeyd edək ki, "Kazmortransflot" TBNM üzrə rəsmi dəniz daşıyıcısıdır.

Bundan əlavə, 2019-cu ildən bəri şirkət Aktau və Ələt limanları arasında iyirmi fut ekvivalentində 210 mindən çox konteyner daşıyıb ki, bu da təxminən 2,7 milyon ton yükə bərabərdir.

Oxşar xəbərlər

Aktau-Ələt marşrutu üzrə konteyner daşımalarının bu il üçün gözlənilən həcmi açıqlanıb

“Kazmortransflot” Aktau-Bakı marşrutu ilə neft nəqlini 2,4 dəfə artırıb

“Kazmortransflot” və “AD Ports” Orta Dəhlizlə yük axınının artırılması üçün konteyner gəmiləri inşa edəcək

Heydər Abdikərimov: "Kazmortransflot" və ASCO üçün kənar gəmiçilik şirkətlərinin gəmiləri cəlb edilə bilər"

KTZ: Bu ilin əvvəlindən Orta Dəhlizlə 300-cü konteyner qatarı yola salınıb