ABŞ Prezidenti Donald Tramp İran rəhbərliyinin nümayəndələri, o cümlədən ali rəhbər Müctəba Xamenei ilə mümkün görüşü gözlədiyini bildirib və davam edən sülh danışıqlarına baxmayaraq, tərəflərin "kifayət qədər yaxşı yola getdiyini" qeyd edib.

"Sizinxeber.az" xəbər verir ki, bu barədə o "Pod Force One" verilişinə müsahibəsində bildirib.

Trampın sözlərinə görə, o, Müctəba Xamenei ilə şəxsən tanış deyil, lakin onun İranda qərar qəbuletmə prosesində əhəmiyyətli rol oynadığını hesab edir.

"O, şübhəsiz ki, proseslərə cəlb olunub. Bəli, düşünürəm ki, ona çox hörmət edirlər", - Tramp qeyd edib.

O, həmçinin əlavə edib ki, mövcud məlumatlara görə, Xamenei İran rəhbərliyi daxilində siyasi varisliyi davam etdirərək əsas qərarları qəbul edir.

İranın ali rəhbəri ilə görüşmək ehtimalını şərh edən Tramp, belə bir perspektivi istisna etmədiyini bildirib.

"Bəli, mən onunla görüşmək istərdim… və hər şeyin necə cərəyan edəcəyindən asılı olaraq, ehtimal ki, nə vaxtsa görüşəcəyik", - o deyib.

ABŞ Prezidenti vurğulayıb ki, hətta rəqib ölkələrin nümayəndələri ilə şəxsi təmaslar belə gərginliyin azalmasına və təhlükəsizliyin artmasına kömək edə bilər.

Oxşar xəbərlər

Donald Tramp: "İranın gələcək liderinin müəyyənləşdirilməsi prosesində şəxsən iştirak etməliyəm"

Tramp İranın Ali Rəhbəri Müctəba Xamenei ilə görüşə biləcəyini bildirib

Tramp: "Eşitmişəm ki, Müctəba Xamenei sağ deyil"

Tramp İranın ABŞ ilə razılığa gəlməyə çalışdığını bildirib

Xamenei: Donald Tramp İranı bombalamaq hədəsinə əməl etsə, güclü zərbə ilə üzləşəcək