Bakı Metropoliteni qeyri-iş günləri ilə əlaqədar olaraq iş rejimində dəyişiklik edəcək.

Metropolitendən “Sizinxeber.az-Economics”ə verilən məlumata görə, 9 May − Faşizm Üzərində Qələbə Günü və mayın 11-də “28 May-Əhmədli” və əksinə istiqamətdə qatarlararası interval 2 dəqiqə 30 saniyə, mayın 10-da isə 3 dəqiqə təşkil edəcək.

Bənövşəyi xətdə, həmçinin “Cəfər Cabbarlı-Xətai” və “Həzi Aslanov-Əhmədli” mənzillərində mövcud hərəkət qrafiki olduğu kimi saxlanılacaq.

“Bakmil” istiqamətində və əksinə qatarların hərəkəti 9 və 11 mayda şənbə, 10 mayda isə bazar gününün qrafiki üzrə tənzimlənəcək.

“İş rejimində dəyişikliklə yanaşı, stansiyalarda ümumi nəzarət gücləndiriləcək, növbətçilik cədvəli əsasında əlavə işçi qüvvəsi ayrılacaq. Ehtiyac yaranarsa, ehtiyat qatarlar xəttə buraxılacaq”, - məlumatda qeyd olunur.

Oxşar xəbərlər

Bakı metrosunun iş rejimində dəyişiklik ediləcək

Bayram günlərində metropolitenin iş rejiminə dəyişiklik ediləcək

Bakı metrosunda qatarların hərəkət qrafiki dəyişib

Bayram günlərində Bakı metropoliteninin iş rejimi açıqlanıb

Bakı metrosu payız-qış rejiminə keçir