Azərbaycanda sənədsiz evlərin leqallaşdırılması ilə bağlı Prezident İlham Əliyevin imzaladığı yeni Fərmana əsasən, bəzi tikililər bu imkanlardan yararlana bilməyəcək.

"Report" xəbər verir, bunu Əmlak Məsələləri Dövlət Xidməti yanında Daşınmaz Əmlakın Dövlət Kadastrı və Reyestri Xidmətinin İdarə Heyətinin sədri Nigar Alimova jurnalistlərə açıqlamasında deyib.

Onun sözlərinə görə, sənədləşmə yalnız hüquqi baxımdan rəsmiləşdirilməsi mümkün olan evlərə şamil ediləcək:

“Lakin bir sıra tikililər bu prosesdən kənarda qalacaq. Təəssüf ki, bəzi sənədsiz evlər yüksək təzyiqli qaz kəmərlərinin, neft boru xətlərinin, yüksək gərginlikli elektrik xətlərinin mühafizə zonalarında yerləşir. Eyni zamanda, sənədi olmayan və dövlət və ya bələdiyyə torpaqlarının zəbt olunması yolu ilə inşa edilən evlərin də qeydiyyatı mümkün deyil və bu tikililərə hüquq tanınmayacaq”.

N. Alimova əlavə edib ki, bu kateqoriyaya aid tikililər üçün fərqli hüquqi yanaşmalar nəzərdən keçirilə bilər.

Xatırladaq ki, ölkə başçısı “Daşınmaz əmlakın dövlət reyestri haqqında” qanun qüvvəyə minənə qədər əldə edilmiş və yaranmış daşınmaz əmlak obyektləri üzərində hüquqların əldə edilməsini təsdiq edən sənədlərin Siyahısı"nın təsdiq edilməsi barədə 13 yanvar 2015-ci il tarixli və həmin siyahıda dəyişikliklər edilməsi barədə 30 oktyabr 2015-ci il tarixli fərmanlarında dəyişiklik edib.

Oxşar xəbərlər

Nigar Alimova: "Sənədsiz evlərlə bağlı problemlərin həlli istiqamətində çalışırıq"

Azərbaycanda sənədsiz evlərlə bağlı normativ hüquqi akt qəbul ediləcək

Azərbaycanda sənədsiz evlərlə bağlı qərar

Nigar Alimova: "Azərbaycanda 2001-ci ilə qədər verilmiş torpaq sənədlərinə əsasən mülkiyyət hüququ tanınacaq”

Azərbaycanda 100 minə yaxın sənədsiz evin amnistiyasına start verilir