Xankəndi Konqres Mərkəzi müasir texniki avadanlıqlarla təchiz olunub.

Bu barədə “Report”un Xankədiyə ezam olunan əməkdaşına Xankəndi Konqres Mərkəzinin nümayəndəsi Nəcəf Bədəlov bildirib

O bildirib ki, müasir texniki avadanlıqlarla təchiz olunmuş Konqres Mərkəzi 6500 kvadratmetr sahəni əhatə edir:

"Burada teatral üslubda 600, ziyafət üslubunda isə 350 nəfərlik tədbir zalları, iclas, konfrans otaqları və digər müxtəlif təyinatlı otaqlar yaradılıb".

Onun sözlərinə görə, özündə müasirliklə milli memarlıq ənənələrini birləşdirən Mərkəzin binasında müxtəlif konqreslər, konfranslar, seminarlar, işgüzar görüşlər, ölkə və beynəlxalq əhəmiyyətli digər tədbirlərin keçirilməsi üçün geniş imkanlar var:

"Konqres Mərkəzinin fəaliyyətinin ilkin mərhələsində 12 nəfər daimi iş yeri ilə təmin olunub. Onlardan 8-i Xankəndi, Xocalı, Kəlbəcər və işğaldan azad olunmuş digər ərazilərin sakinləridir. Yüksək funksionallığı və müasirliyi ilə diqqət çəkən Konqres Mərkəzi işğaldan azad olunmuş ərazilərimizin sosial-iqtisadi potensialının inkişafına xidmət edən mühüm layihələrdən biridir".

Qeyd edək ki, iyulun 3-də Azərbaycan Prezidenti İlham Əliyev Xankəndi Konqres Mərkəzinin açılışında iştirak edib.

Oxşar xəbərlər

Xankəndi Konqres Mərkəzinin açılışı olub

Prezident Xankəndinin Zəfər meydanında Konqres Mərkəzinin tikintisi ilə tanış olub - YENİLƏNİB

Prezident Xankəndi şəhərinin Zəfər meydanında Konqres Mərkəzinin tikintisi ilə tanış olub

Prezident İlham Əliyev Xankəndi şəhərinin Zəfər meydanında Konqres Mərkəzinin tikintisi ilə tanış olub - YENİLƏNİB