“Yaşıl Enerji Dəhlizi”nin həyata keçirilməsi üçün dörd əsas problem həll edilməlidir.

"Report" xəbər verir ki, bunu Rumıniyanın energetika naziri Sebastian-İoan Burduja BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası çərçivəsində keçirilən "Nazirlər səviyyəsində dialoq: Bərpa olunan enerjidən istifadənin üç dəfə və enerji səmərəliliyinin iki dəfə artırılması üçün investisiyaların genişləndirilməsi" adlı tədbirdə deyib.

O bildirib ki, Azərbaycan, Gürcüstan və Macarıstanla birgə “Yaşıl Enerji Dəhlizi” layihəsi böyük əhəmiyyət kəsb edir: “Bu layihənin həyata keçirilməsi üçün dörd əsas problem mövcuddur ki, bunlardan birincisi maliyyədir. İkincisi, insanların dəstəyini qazanma, onlara rifah, iş və daha yaxşı həyat imkanları təqdim edəcəyimizə inandırmalıyıq”.

O qeyd edib ki, üçüncü problem etibarlı və çoxşaxəli sənaye potensialı lazımdır: “Son olaraq isə vaxt lazımdır, amma bizim artıq bunu istəməyə imkanımız yoxdur. Biz bürokratiyanı azaltmalı, bu layihə ilə bağlı ekoloji prosedurları və icazələri sürətləndirməliyik”.

Oxşar xəbərlər

Peter Sztaray: "Yaşıl Enerji Dəhlizi" COP29-un əsas məqsədlərini dəstəkləyir”

Fatih Birol: "Enerji səmərəliliyinin 2 dəfə artırılması ilə bağlı məyusluq yaşayırıq"

Cennifer Li Morqan: "Bərpa olunan enerji ilə bağlı Bakıda daha konkret mesajlar verilməlidir"

Levan Davitaşvili: “Qara dəniz sualtı kabeli layihəsinin texniki-iqtisadi əsaslandırması hazırdır”

IEA rəhbəri: "Enerji səmərəliliyi standartlarına yenidən baxılmalıdır"