Fransa milli futbol komandası ilə 1998-ci ildə Dünya Kuboku çempionu olan Emmanuel Petit, Dünya və Avropa çempionatlarında qazandığı medallar da daxil olmaqla, bütün medallarını itirib.

"Report" xəbər verir ki, o, bu barədə Talk Sport podkastında danışıb.

"Dünya Kubokunun surətini götürüb seyfə qoydum. Medallarla da eyni şeyi etmək istədim. Onları axtarmağa saatlarla vaxt sərf etdim. Dəli olurdum. İngiltərə və Fransa çempionatlarından, kuboklardan, Dünya və Avropa çempionatlarından medallar. Hər şey yoxa çıxmışdı", - deyə o əlavə edib.

Qeyd edək ki, 55 yaşlı Petit həmçinin 2000-ci ildə Fransa millisi ilə Avropa Çempionlar Liqası titullarını əldə edib. O, "Monako" ilə Fransa çempionluğunu (1997) və Fransa Kubokunu (1991) qazanıb.

Oxşar xəbərlər

Dünya çempionu yenidən Ronaldu ilə komanda yoldaşı ola bilər

Dünya çempionu Türkiyə klubunda çıxış edə bilər

Dünya çempionu La Liqadan ayrılıb

Fransa klubunun Kilian Mbappe ilə bağlı apellyasiya şikayəti rədd edilib

Fransalı dünya çempionu 31 yaşında karyerasını başa vurub