Azərbaycanın əsas şəhərlərində damüstü fotovoltaik günəş enerjisi üçün çox yaxşı biznes sektoru imkanları və investisiya imkanları var.

"Sizinxeber.az" xəbər verir ki, bunu energetika nazirinin müavini Orxan Zeynalov Beynəlxalq Xəzər Neft və Qaz Sərgisi çərçivəsində keçirilən panel müzakirələrində bildirib.

Onun sözlərinə görə, söhbət Bakı, Naxçıvan, Ağdam, Cəbrayıl, Xankəndi, Şuşa, Culfa və Zəngilan kimi şəhərlərdən gedir: "Lakin bu, digər şəhərlərə də genişləndirilə bilər. Biz düşünürük ki, bu elan edilmiş yaşıl enerji zonaları gələcəkdə xalis sıfır emissiyaya keçid üçün ümumiyyətlə yaxşı baza olacaq və hökumətin balanslaşdırılmış, ədalətli və iddialı ola bilən, eyni zamanda özəl sektor üçün imkanlar yaradan yaşıl enerji keçidinə yönəlmiş səylərini dəstəkləyəcək".

Azərbaycanın "yaşıl enerji" keçidinə başladığını xatırladan O. Zeynalov hökumətin yaşıl bərpa olunan enerjiyə böyük investisiya qoyduğunu deyib: "Gələn ilə qədər milli şəbəkəyə 2 giqavatt enerji inteqrasiya etməyi planlaşdırırıq. Bu, 2,4 milyon ton karbon və istixana qazı emissiyasına qənaət edəcək, həmçinin daxili istifadə və ixrac üçün istifadə oluna biləcək 1,1 milyard kubmetr qaz sərbəst buraxacaq".

Nazir müavini qeyd edib ki, Azərbaycanın qurudakı günəş potensialı 135 giqavattdır: "Biz həmçinin Azərbaycanın seçilmiş şəhər və regionlarında damüstü günəş fotovoltaik potensialı üzərində işləyəcək. Hökumət üç regionu - Qarabağ, Şərqi Zəngəzur və Naxçıvanı - yaşıl enerji zonaları elan edib və damüstü fotovoltaik günəş proqramları bu inkişafın əsas, ayrılmaz hissəsidir. Texniki qiymətləndirmə damüstü quraşdırılabilən güc üçün təxminən 9,4 giqavatt potensial müəyyən edib və istehsal gücü təxminən 11,8 giqavatt təmiz enerji təşkil edir. Bazar sektoru iştirakçıları və potensial investorların cəlb edilməsi daxil olmaqla, bu araşdırmanın irəlilədilməsi üçün Dünya Bankı ilə əməkdaşlığı səbirsizliklə gözləyirik".

Oxşar xəbərlər

Azərbaycanda damüstü günəş enerjisi bazarına investor marağının artırılması planlaşdırılır

Orxan Zeynalov: "Azərbaycanda hidrogen istehsalına 2035-ci ildən başlanacaq"

Orxan Zeynalov: "Cəbrayıl enerji qovşağının Naxçıvan və Türkiyəyə birləşdirilməsi ssenarisi nəzərdən keçirilir"

Orxan Zeynalov: “Yaxın Şərq və Çin şirkətləri Transxəzər enerji dəhlizinə maraq göstərir"

Nazir müavini: "Azərbaycan enerji sektorunu daha çox bərpa olunan mənbələr hesabına şaxələndirir"