Azərbaycan dövləti hər zaman məcburi köçkün ailələrinin sosial müdafiəsini, rifahını və layiqli həyat şəraitinin təmin olunmasını prioritet vəzifələrdən biri kimi müəyyən edib.

"Sizinxeber.az" AZƏRTAC-a istinadən xəbər verir ki, bunu Milli Məclisin Əmək və sosial siyasət, İnsan hüquqları və Hüquq siyasəti və dövlət quruculuğu komitələrinin birgə iclasında deputat Jalə Əliyeva deyib.

Deputat qeyd edib ki, uzun illər ərzində doğma yurdlarından didərgin düşmüş soydaşlarımız dövlətin xüsusi diqqət və qayğısı ilə əhatə olunub, onların sosial problemlərinin həlli istiqamətində ardıcıl tədbirlər həyata keçirilib.

O bildirib ki, bu gün Azərbaycan yeni inkişaf mərhələsinə qədəm qoyub. İşğaldan azad edilmiş torpaqlarımızda genişmiqyaslı bərpa və quruculuq işləri aparılır, Böyük Qayıdış proqramı uğurla icra olunur. Prezident İlham Əliyevin birbaşa rəhbərliyi ilə həyata keçirilən bu nəhəng fəaliyyətin, aparılan bu uğurlu dövlət siyasətinin əsas məqsədi 30 ildən artıq düşmən tapdağı altında qalan doğma torpaqlarımızı yenidən dirçəltməklə bərabər, vətəndaşlarımızın öz yurd-yuvalarında dayanıqlı məskunlaşmasını, məşğulluğunu və sosial-iqtisadi inteqrasiyasını təmin etməkdir.

Deputat qeyd edib ki, insan kapitalının gücləndirilməsini hədəfləyən dövlət siyasəti və bu siyasətdən irəli gələn yeni qanun layihəsi bunu deməyə əsas verir ki, dövlətin sosial dəstək siyasəti gələcəkdə də davam edəcək.

Ünvanlı sosial yardım, məşğulluq proqramları, təhsil imkanları və digər sosial müdafiə mexanizmləri bundan sonra da vətəndaşların rifahının yüksəldilməsinə xidmət etməyə davam edəcək. Böyük Qayıdış prosesində insan amili, vətəndaş məmnunluğu və sosial təminat dövlət siyasətinin əsas prioritetləri olaraq qalır. Məcburi köçkün statusu və ona tətbiq olunan sosial dəstək mexanizmlərinin qanunvericiliyə uyğun şəkildə yenidən tənzimlənməsi də məhz bu yeni reallıqların nəticəsidir. Məcburi köçkün ailələrinin doğma torpaqlarına qayıdışı yalnız tarixi ədalətin bərpası deyil, həm də sosial rifahın, təhlükəsizliyin və davamlı inkişafın təmin olunması deməkdir.

Oxşar xəbərlər

Məcburi köçkünlərin sosial problemləri ilə bağlı 2004-2019-cu illər ərzində 75 Fərman və Sərəncam imzalanıb

Böyük Qayıdış strategiyası Qarabağı və Şərqi Zəngəzuru yeni inkişaf modelinə çevirməyi hədəfləyir – RƏY

Əli Hüseynli: Xüsusi təyinatlı mənzil fondunun yaşayış sahələrinin növlərinə yeni biri əlavə olunur

Mənzil Məcəlləsində dəyişiklik: İşğaldan azad edilmiş ərazilərdə daimi məskunlaşma fondu yaradılır

Deputat: Azad olunmuş ərazilərdə Böyük Qayıdış üçün zəruri tədbirlər görülür