Böyük Britaniyanın Baş naziri Kir Starmer bir neçə parlament üzvünün istefa ilə bağlı çağırışlarına baxmayaraq, qarşıdakı illərdə hökumətə rəhbərlik etmək niyyətində olduğunu bildirib.

"Report-un məlumatına görə, o, bu barədə "The Daily Mirror"a müsahibəsində bildirib.

"Mən həmişə milli dirçəlişin onilliyindən danışmışam. Bizə bütün istiqamətlərdə dəhşətli miras qaldı. Söhbət yalnız dağılmış iqtisadiyyatdan getmir. Dövlət xidmətləri məhv edildi. Vəziyyət əslində əvvəlcə düşündüyümüzdən daha pis idi. 10 illik dirçəliş layihəsi lazımdır", - o deyib. Starmer 2029-cu ildə keçiriləcək növbəti ümumi seçkilərdə leyboristlərə rəhbərlik edəcəyini bildirib.

Mümkün istefası ilə bağlı suala cavab verən Starmer Baş nazir vəzifəsindən ayrılmaq niyyətində olmadığını bildirib. "2024-cü ilin iyul ayında seçildiyim vəzifədən ayrılmaq niyyətim yoxdur", - o vurğulayıb.

Böyük Britaniyada mayın 7-də yerli özünü idarəetmə orqanlarına seçkilər keçirilib. Nəticədə, Leyboristlər Partiyası tarixində ilk dəfə olaraq Uels Parlamentinə nəzarəti itirib. Bundan sonra leyboristlərdən olan deputat Ketrin Uest kabinet üzvlərini Starmeri hakimiyyətdən uzaqlaşdırmağa çağırıb. Onun sözlərinə görə, Starmerin hökumətə və partiyaya davamlı rəhbərliyi leyboristləri növbəti ümumi seçkilərdə sarsıdıcı məğlubiyyətlə təhdid edir.

Oxşar xəbərlər

Starmer leyboristlərin 2029-cu ilin parlament seçkilərində qalib gələ biləcəyini bildirib

Kir Starmer: İsrailin Qəzzanı nəzarətə götürməklə bağlı qərarı yanlışdır

Starmer: Britaniya Yaxın Şərq bazasına əlavə döyüş təyyarələri yerləşdirəcək

Starmer Britaniyada proksi hücumlar təhlükəsinin artdığını bəyan edib

Starmer Trampa etiraz edib: Zelenski Ukraynada müharibənin davam etməsində günahkar deyil