Pakistan ABŞ və İran arasındakı münaqişənin həllində irəliləyişi möhkəmləndirməyə yönəlmiş istənilən səyləri dəstəkləməyə hazırdır.

"Report" xəbər verir ki, bunu Pakistan İslam Respublikasının Baş nazirinin müavini, xarici işlər naziri Məhəmməd İshaq Dar bəyan edib.

"Pakistan ABŞ ilə İran arasında əldə edilən anlaşmanı səmimi qəlbdən alqışlayır. Həll olunmuş məsələlər üzrə danışıqlar davam etdiyi üçün Pakistan bu irəliləyişi möhkəmləndirmək məqsədilə bütün səyləri dəstəkləməyə hazırdır", - deyə o əlavə edib.

Dar tərəflər arasında əldə edilən razılaşmaların beynəlxalq ictimaiyyətə ümidverici bir siqnal göndərdiyini və qlobal iqtisadi sabitliyə töhfə verdiyini vurğulayıb. Nazir Pakistanın vəziyyətin sülh yolu ilə həllində rolunu qeyd edərək, Tehran və Vaşinqtona etimadlarına görə minnətdarlığını bildirib.

"19 iyun tarixində Cenevrədə keçiriləcək rəsmi imzalanma mərasimini səbirsizliklə gözləyirik və əminik ki, bu müsbət inkişaf regionda və onun hüdudlarından kənarda davamlı sülh, sabitlik və ortaq rifah üçün yol açacaq".

Oxşar xəbərlər

İran Pakistan-Hindistan danışıqlarında vasitəçilik etməyə hazırdır

İshaq Dar və Van İ İranla ABŞ arasında dialoqun qurulması səylərini müzakirə ediblər

Pakistan XİN sabah ABŞ ilə İran arasında sülhün imzalanacağına əmindir

Ərdoğan: ABŞ və İran arasındakı razılaşmanı alqışlayıram

İran XİN başçısı: Tehran Hindistan və Pakistan arasında gərginliyi azaltmaq istəyir