NATO-nun üzvü olan Avropa ölkələri müdafiə xərclərinin ÜDM-in 2 %-dən 3 %-nə qədər artırılması ilə bağlı danışıqlar aparır.

“Report” TASS-a istinadən xəbər verir ki, bu barədə “Financial Times” (FT) qəzeti məlumat yayıb.

Bir çox ölkələrin şübhə ilə yanaşdığı bu addım onsuz da gərgin olan milli büdcələrə güclü təzyiq göstərəcək. Mənbələrin sözlərinə görə, ötən həftə alyans ölkələrinin xarici işlər nazirlərinin görüşü zamanı başlayan məxfi danışıqlarda qısamüddətli perspektivdə müdafiə xərclərinin ÜDM-in 2,5 %-nə, 2030-cu ilə qədər isə 3 %-nə çatdırılması öhdəliyini nəzərdə tutan tam razılıq əldə edilməyə bilər. Yeni öhdəliklərin 2025-ci ildə Niderlandda keçiriləcək NATO sammitində rəsmi olaraq razılaşdırılacağı bildirilir.

Daha əvvəl “Bloomberg” agentliyi mənbələrə istinadən məlumat vermişdi ki, NATO 2025-ci ildə hərbi xərclərin yeni həddini ÜDM-in 2 %-dən 3 %-nə qaldıra bilər ki, bu da alyans ölkələrinin silah istehsalı üzrə yeni hədəflərinin yerinə yetirilməsi üçün lazımdır.

Oxşar xəbərlər

Böyük Britaniya müdafiə xərclərini artıracaq

KİV: Stoltenberq Münhen Konfransının yeni sədri olacaq

Stoltenberq NATO ölkələrini müdafiə xərclərini artırmağa çağırıb

Britaniya Baş naziri və NATO-nun Baş katibi Ukraynadakı vəziyyəti müzakirə ediblər

Estoniyalı nazir: NATO dövlətlərinin raketdən müdafiə sistemlərində ciddi qüsurlar var