Böyük Britaniya Hörmüz boğazında gəmiçiliyin təhlükəsizliyinin təmin edilməsi üzrə müdafiə missiyasında iştirak üçün pilotsuz uçuş aparatları (PUA), qırıcı təyyarələr və hərbi gəmi göndərəcək.

"Report" "Reuters"a istinadən xəbər verir ki, bu barədə Birləşmiş Krallığın müdafiə naziri Con Hili missiyada iştirak edən digər ölkələrdən 40-dan çox həmkarının qatıldığı onlayn sammit zamanı bildirib.

"Böyük Britaniya Hörmüz boğazında şərait imkan verən kimi başladılacaq beynəlxalq hərbi missiya çərçivəsində pilotsuz mina axtarışı vasitələri, minatəmizləyən gəmi, yüksəksürətli katerləri, "Eurofighter Typhoon" qırıcılarını və "HMS Dragon" esminesini təqdim edəcək. Bu missiya müdafiə xarakterli, müstəqil və etibarlı olacaq", - bəyanatda deyilir.

Regionda mövcud müdafiə əməliyyatları çərçivəsində artıq 1000-dən çox Britaniya hərbi qulluqçusu, o cümlədən PUA ilə mübarizə qrupları və qırıcı eskadrilyaları yerləşir.

Qeyd olunub ki, Böyük Britaniyanın töhfəsi minatəmizləyən gəmi və dronlara qarşı mübarizə sistemləri üçün 155,53 milyon dollar məbləğində yeni maliyyələşdirmə hesabına təmin ediləcək.

"Beləliklə, London regional gərginliyin kəskinləşdiyi şəraitdə kommersiya gəmiçilik şirkətlərini naviqasiya azadlığına sadiqliyinə inandırmağa çalışır", - agentlik qeyd edib.

Oxşar xəbərlər

Türkiyə və Britaniya müdafiə nazirləri "Eurofighter Typhoon" qırıcılarının tədarükünü müzakirə edəcək

Yaponiya Hörmüz boğazında beynəlxalq missiya ilə bağlı danışıqlara qoşulacaq

KİV: Böyük Britaniya ABŞ-nin Hörmüz boğazındakı missiyasına qoşulmayacaq

Almaniya və Britaniya Hörmüz boğazında gəmilərin mühafizəsi missiyasında iştirak etməyəcək

Böyük Britaniya Ukraynaya 120 min pilotsuz uçuş aparatı verəcək