İslam Əməkdaşlıq Təşkilatı (İƏT) İsrail qüvvələrinin Suriya Ərəb Respublikasının cənubundakı hərbi infrastruktura hücumunu kəskin şəkildə pisləyib.

"Report" xəbər verir ki, bu barədə İƏT Baş Katibliyi bəyanat yayıb.

Bildirilib ki, Baş Katiblik İsrail qüvvələrinin "Suriyanın suverenliyini və ərazilərini davamlı olaraq pozmasını, onun təhlükəsizliyi və sabitliyini sarsıtmaq, eləcə də regionda təhlükəsizlik və sabitliyin bərqərar olması istiqamətindəki səylərə xələl gətirmək cəhdlərini" kəskin şəkildə pisləyir.

Bəyanatda bu cür hücumların davam etməsinə görə İsrail qüvvələrinin tam məsuliyyət daşıdığını qeyd edilib.

"Baş Katiblik İƏT-nin Suriya Ərəb Respublikasına dəstəyini və onunla həmrəyliyini bir daha təsdiqləyir və beynəlxalq ictimaiyyəti Suriya Ərəb Respublikasının suverenliyinə, birliyinə, təhlükəsizliyinə və sabitliyinə hörmət olunmasını təmin etmək məqsədilə müvafiq beynəlxalq qətnamə və qanunların icrası üçün tədbirlər görməyə çağırır", - bəyanatda vurğulanıb.

Qeyd edək ki, martın 20-də İsrail Müdafiə Qüvvələri Suriyanın cənubundakı hərbi infrastruktura zərbələr endirib.

Oxşar xəbərlər

İƏT Baş Katibliyi İsrailin İrana hücumlarına dair bəyanat yayıb

Ərəb dövlətləri Suriyadakı hadisələrlə bağlı birgə bəyanat yayıb

KİV: Suriya İsrailin müdaxiləsinə görə ölkəni bölmək cəhdlərini rədd edir

Türkiyə XİN İsrailin Suriyanın cənubuna hücumunu qınayıb

İsrail Müdafiə Qüvvələri Suriya sərhədində xaosa hazır olmadığını bildirib