Minifutbol üzrə Azərbaycan millisi Avropa çempionatının finalında daha yaxşı oyun sərgiləmək istəyir.

"Report"un Bratislavaya ezam olunan əməkdaşı xəbər verir ki, bu barədə minifutbol üzrə Azərbaycan millisinin baş məşqçisi Elşad Quliyev mətbuat konfransında bildirib.

Mütəxəssis Slovakiyada keçirilən Avropa çempionatının yarımfinal mərhələsinin Serbiya ilə oyunundan sonra fikirlərini bölüşüb:

"Bütün oyunçularımı, xalqımı təbrik edirəm. Çempion olmaq istəyirik. Serbiya Avropanın ən güclü kollektivlərindən biridir. Həqiqətən, çətin matç alındı. Rəqib üstün oynaya bilər, amma nəticəni biz qazandıq. Finalda daha yaxşı oyun sərgiləmək istəyirik".

O, 1/4 finalda Çexiya ilə görüşdə çox güc itirdiklərini söyləyib:

"Sabaha hazırlaşmalıyıq. Bundan daha yaxşı oyun sərgiləmək niyyətindəyik. Bir qol nəticəni həll edə bilir. Serbiya və biz ehtiyatlı oynayırdıq. Müdafiəni də düşünmək lazım idi. Bizim millimiz müdafiə futbolu oynamır".

Xatırladaq ki, Azərbaycan millisi yarımfinalda Serbiya seçməsini penaltilər seriyasında üstələyib. Qarşılaşmanın əsas vaxtı 1:1 hesabı ilə bitib.

Oxşar xəbərlər

Elşad Quliyev: Minifutbol üzrə Avropa çempionatının finalında daha yaxşı oyun sərgiləmək istəyirik

Elşad Quliyev: "Qazaxıstanla oyunadək belə çətinlik görmədik"

Azərbaycanın minifutbol millisi Avropa çempionatının 1/4 finalında bu gün Çexiya ilə qarşılaşacaq

Taleh Babayev: "Çexiyanın minifutbol millisi dünyanın ən güclü komandalarından biridir"

Elşad Quliyev: "Qrup mərhələsini birinci pillədə bitirmək istəyirik"