Avropa İttifaqı (Aİ) Şurasının sədri Antonio Koşta Rusiya dronunun Rumıniya ərazisinə düşməsini pisləyib.

"Report"un məlumatına görə, A.Koşta bu barədə "X" sosial şəbəkəsindəki hesabında paylaşım edib.

"Rumıniyanın milli hava məkanının və beynəlxalq hüququn bu pozulmasını qətiyyətlə pisləyirəm. Aİ sanksiyalar vasitəsilə Rusiyaya təzyiqin artırılmasında və müdafiə imkanlarının, xüsusilə şərq sərhədimiz boyunca gücləndirilməsində vahid mövqedən çıxış edir", - o yazıb.

Çexiyanın Baş naziri Andrey Babiş də hadisə ilə bağlı narazılığını ifadə edib.

O qeyd edib ki, Çexiya NATO müttəfiqlərini qətiyyətlə dəstəkləyir və Rusiyanın Ukraynaya qarşı davam edən təcavüzünü pisləyir:

"Mən Ukrayna infrastrukturuna qarşı Rusiya hücumlarını qətiyyətlə pisləyirəm, bu hücumlar nəticəsində pilotsuz uçuş aparatlarından (PUA) biri Rumıniya ərazisindəki yaşayış evinə düşüb və iki nəfəri yaralayıb".

Oxşar xəbərlər

Oana-Silviya Tsoyu: Rumıniya Prezidenti Rusiya PUA-sı ilə bağlı insident səbəbindən iclas çağırıb - YENİLƏNİB

Antoniu Koşta: Ukraynada sülhə nail olmaq üçün Rusiya dərhal zorakılığı dayandırmalıdır

Koşta: Aİ Ukrayna üçün 90 milyard avroluq krediti blokdan çıxarıb

Rumıniyada PUA qalıqları evi və elektrik xəttini zədələyib

Rusiya PUA-ları Rumıniyanın hava məkanına daxil olub