"Şöhrət" ordeni laureatı, Xalq artisti İslam Rzayevin 90 illik yubileyi münasibətilə Beynəlxalq Muğam Mərkəzində xatirə gecəsi təşkil olunacaq.

APA xəbər verir ki, iyunun 30-u, saat 19:00-da keçiriləcək tədbirdə İslam Rzayevin tələbələri, görkəmli xanəndələr, sənət adamları çıxış edəcəklər.

Qeyd edək ki, İslam Rzayev 11 noyabr 1934-cü ildə Füzuli rayonunun Sərdarlı kəndində dünyaya gəlib. 1958-ci ildən ömrünün sonunadək Azərbaycan Dövlət Akademik Filarmoniyasının solisti kimi fəaliyyətə göstərib. İslam Rzayevin təşəbbüsü ilə 1989-cu ildə Bakıda ilk Dövlət Muğam Teatrı yaradılmışdır. Həyatının sonunadək Muğam Teatrının bədii rəhbəri vəzifəsində çalışıb. 70-dən artıq qastrol səfərlərində olub, Fransa, İngiltərə, İran, İraq, Əlcəzair, Türkiyə, İsrail, Kolumbiya, Peru, Kuba, Yaponiya, Hindistan, Nepal kimi ölkələrdə Azərbaycan mədəniyyətini təmsil edib. Xanəndə 26 yanvar 2008-ci ildə Bakı şəhərində vəfat edib.

Oxşar xəbərlər

Prezident İlham Əliyev Xalq artisti Şəfiqə Məmmədovanı 80 illik yubileyi münasibətilə təbrik edib

Xalq artisti Şahlar Quliyev dəfn olunub - FOTO

Gəncə Dövlət Filarmoniyasında Ramiz Mirişlinin 90 illik yubileyi qeyd olunub

Xalq artisti Şahnaz Haşımovanın yaradıcılıq gecəsi keçiriləcək

Adil Kərimli: Yuğ Teatrının bina problemi qısa zamanda həll ediləcək