Zabitə Məmmədova: Elnarə Xəlilovanın "Kukla" mahnısını oxumağını bəyənmədim

Müğənni Elnarə Xəlilova uşaq vaxtı ifa etdiyim “Kukla” mahnısını oxuyub, amma ifasını bəyənmədim.

Bu fikirləri "Report"a müsahibəsində bəstəkar-müğənni Zabitə Məmmədova deyib.

Onun sözlərinə görə, Elnarə Xəlilova mahnını muğam üstündə oxuyub, bu da uşaq mahnısı üçün uğurlu seçim deyil:

"Uşaq verilişləri olur, baxırsan ki, “Kukla” mahnısını oxumaq üçün onu dəvət edirlər, məni yox".

Zabitə Məmmədova bəstəkar Oqtay Zülfüqarov haqqında verilişə özünün dəvət edilməməsinə də iradını bildirib:

"Oğlu Cahangir Zülfüqarova dedim ki, hər gün ittifaqda məni görürsən, mən necə sənin yadına düşməyə bilərəm? Mən axı Oqtay Zülfüqarovun nə qədər mahnısını oxumuşam..."

Müsahibənin tam mətni ilə buradan tanış ola bilərsiniz.