Azərbaycanın coğrafi və iqtisadi xüsusiyyətləri onu Paraqvayla bir-birini tamamlayan tərəfdaşa çevirir.

Bunu "Sizinxeber.az"un Türkiyə bürosuna Paraqvayın iqamətgahı Ankarada olan Azərbaycan üzrə qeyri-rezident Cirilo Guillermo Sosa Flores bildirib.

O, bildirib ki, ölkəsinin Azərbaycanla xüsusilə enerji sahəsində əlaqələrin daha da gücləndirilməsini prioritet hesab edir:

"Biz Azərbaycanla münasibətləri gücləndirmək istəyirik - məsələn, enerji sahəsində, xüsusilə karbohidrogen istehsalı üzrə, həmçinin Azərbaycanın Paraqvayın ehtiyac duyduğu neft emalı və boru kəmərləri kimi sahələrdəki texniki və texnoloji imkanları ilə bağlı əməkdaşlığı inkişaf etdirmək istəyirik".

Səfir Paraqvayın da Azərbaycana ət və dənli bitkilər kimi bir çox mühüm ərzaq məhsulları idxal etdiyini vurğulayıb.

"Mən bir diplomat olaraq münasibətlərimizin daha da yaxınlaşması üçün bacardığım qədər çalışacağam", - o deyib.

Səfir onu qeyd edib ki, rəsmi olaraq öz ölkəsini Azərbaycanda təmsil etmək və diplomatik fəaliyyətə başlamaq üçün etimadnaməsini(təyinat məktubu) Azərbaycan Prezidentinə təqdim edəcəyi günü gözləyir:

"Etimadnaməmin gələn ay qəbul olunacağına ümid edirəm".

Oxşar xəbərlər

Oman səfiri: Azərbaycanla əlaqələri bütün sahələrdə inkişaf etdirmək prioritetlərdəndir

Paraqvayın yeni səfiri etimadnaməsini Azərbaycan Prezidentinə təqdim edib - YENİLƏNİB

Çin Azərbaycanla BOEM sahəsində fəal əməkdaşlığa ümid edir

Paraqvay parlamentinin Azərbaycanla dostluq qrupu tezliklə Bakıya səfər edəcək

Hasan Suver: "Enerji transformasiyası və şəhərsalma siyasəti bir-birini tamamlayan iki əsas sahəyə çevrilib"