Monteneqro hökuməti Azərbaycan vətəndaşlarının bu Balkan ölkəsinə giriş vizası alması üçün zəruri qaydalar barədə məlumat yayıb.

Bu barədə "Sizinxeber.az"a Monteneqronun Azərbaycandakı diplomatik ofisinin rəhbəri Militsa Buriç bildirib.

Onun sözlərinə görə, həm turist, həm də iş vizaları üçün sənədlərin təqdim edilməsi məqsədilə Azərbaycan vətəndaşları VFS Global viza mərkəzinə müraciət etməli olacaqlar.

"Monteneqro hökuməti ölkəyə səfər etmək və burada işləmək istəyən bütün şəxslərin Azərbaycandakı VFS Global platforması vasitəsilə asanlıqla müraciət edə bilməsi üçün addımlar atıb. Tələb olunan sənədlər və müraciət qaydası haqqında məlumatı VFS Global Azerbaijan saytından əldə etmək olar", - Buriç vurğulayıb.

Qeyd edək ki, Monteneqro 2026-cı ilin yanvarından Azərbaycanla viza rejimi tətbiq etməyə başlayıb.

Oxşar xəbərlər

Bu gündən Azərbaycanla Çin arasında viza rejimi ləğv edilir

Bu gündən Mərakeş və Azərbaycan arasında sadələşdirilmiş viza rejimi tətbiq olunur

Azərbaycan COP29 ilə əlaqədar elektron viza portalını istifadəyə verib

XİN: COP29 iştirakçıları Azərbaycana təkrar giriş zamanı yenidən viza üçün müraciət etməlidirlər

Oman Ermənistan vətəndaşları üçün viza rejimini ləğv edib