Hazırda dünyada bir milyarddan çox insanın suya çıxışı yoxdur.

"Report" xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax WUF13 çərçivəsində keçirilən "İqlim-mənzil əlaqəsi bərabərsizliyi və ya yerdəyişməni dərinləşdirmədən iqlimə davamlı mənzilləri genişləndirə bilərikmi?" mövzusunda keçirilən sessiyada deyib.

Onun sözlərinə görə, Azərbaycan bir neçə gün öncə yağan yağışlar zamanı ekstremal vəziyyətlərdə necə işləmək lazım olduğunu dünyaya göstərdi:

"Yağıntılar normadan artıq düşmüşdü. Lakin bu tədbirə ev sahibliyi edən ölkənin necə mübarizə aparmasının şahidi olduq. Çünki daşqınlar, istilik dalğaları, torpaq sürüşmələri və müxtəlif digər hadisələr iqlim və mənzil məsələləri ilə bağlı müzakirələri ön plana çıxarır. Hazırda dünyada bir milyarddan çox insanın suya çıxışı yoxdur, elektrik enerjisi yoxdur. Bu müzakirələr "Yeni Şəhər Gündəliyi"nin aralıq icmalında öz əksini tapacaq. Qeyri-rəsmi yaşayış məntəqələri ilə bağlı məsələdə uğursuz olmuşuq. Biz bu problemin qarşısını ala bilməmişik və problem getdikcə daha da artır".

Oxşar xəbərlər

Su Konvensiyası: 2 milyarddan çox insanın təhlükəsiz içməli suya çıxışı yoxdur

Anaklaudia Rossbax: "Adekvat mənzil anlayışı iqlim risklərini də əhatə etməlidir"

BMT rəsmisi: Dünyada 2,8 milyard insan adekvat mənzil şəraiti olmayan yerlərdə yaşayır

UN-Habitat: Bu gün bir çox şəhərlərdə dağıdıcı daşqınlar, torpaq sürüşmələri və yanğınlar baş verir

WUF13-də torpaq məsələsi Afrikada mənzil böhranının aradan qaldırılmasının əsas amili adlandırılıb