Rusiyanın xarici işlər naziri Sergey Lavrov ABŞ dövlət katibi Marko Rubio ilə telefon danışığı aparıb.

“Sizinxeber.az” xəbər verir ki, bu barədə Rusiya XİN-in məlumatında deyilir.

“28 may tarixində Rusiya Federasiyasının xarici işlər naziri Sergey Viktoroviç Lavrovla ABŞ dövlət katibi Marko Rubio arasında telefon danışığı baş tutub”, – xarici siyasət idarəsinin mətbuat xidməti bildirib.

Qeyd edilib ki, Rubio rusiyalı həmkarı ilə söhbətində Trampın Rusiya – Ukrayna münaqişəsinin tezliklə sona çatmasına yönəlmiş mövqeyini vurğulayıb. Lavrov Rubionu Moskvanın İstanbulda Ukrayna ilə növbəti birbaşa danışıqlar raunduna konkret təkliflər hazırladığı barədə məlumatlandırıb.

Tərəflər həmçinin ikitərəfli gündəliyin aktual məsələlərini müzakirə ediblər.

Onlar Rusiya və ABŞ-nin diplomatik qurumları arasında konstruktiv dialoqu davam etdirmək niyyətini təsdiqləyiblər.

Oxşar xəbərlər

Rusiya XİN: Lavrov və Rubio Rusiya-ABŞ əlaqələrinin davam etdirilməsini müzakirə ediblər

Sergey Lavrovla Marko Rubio arasında telefon danışığı olub

Lavrov Rubio ilə telefon danışığı aparıb

Rubio Lavrova Fransada Ukrayna ilə təmaslar barədə məlumat verib

Rusiya naziri Sergey Lavrov ABŞ dövlət katibi Marko Rubio ilə telefonla danışıb