Göyərtəsində ABŞ Prezidenti Donald Trampın Yaxın Şərq üzrə xüsusi nümayəndəsi Stiv Uitkoffun olduğu iddia edilən “Gulfstream G650ER” təyyarəsi bu gün Moskvanın "Vnukovo" hava limanına eniş edib.

“Report” “RİA Novosti”yə istinadən xəbər verir ki, bu barədə “Flightradar” xidmətinin məlumatlarında öz əksini tapıb.

Uçuş və eniş yerləri haqqında məlumat əlçatan olmasa da, xidmətin xəritəsinə əsasən, təyyarənin Vaşinqtondan uçduğunu və Moskva vaxtı ilə saat 10:17 radələrində Vnukovo hava limanı yaxınlığında olduğunu görmək olar.

Amerikalı blogerlərin məlumatına əsasən, HƏMAS və İsrail arasında atəşkəsin əldə olunmasına görə məsul olan Uitkoff Trampın ən yaxın tərəfdarlarından biridir.

Şayiələrə baxmayaraq, Rusiya prezidentinin rəsmi nümayəndəsi Dmitri Peskov Trampın hər hansı bir nümayəndəsinin Moskvaya səfəri barədə Kremlin məlumatlı olduğunu təkzib edib.

Oxşar xəbərlər

Sankt-Peterburq-Səmərqənd reysini yerinə yetirən təyyarə "Vnukovo"da təcili eniş edib

Moskvadan İstanbula uçan “Pegasus”un təyyarəsi Varşavada təcili eniş edib

Trampın xüsusi nümayəndəsi HƏMAS-ı girovları azad etməyə çağırıb

Peskov Trampın Ukraynanın Rusiyanın bir hissəsi ola biləcəyi ilə bağlı sözlərinə münasibət bildirib

Trampın xüsusi nümayəndəsi Ukraynaya səfərini təxirə salıb