ABŞ-nin yeni seçilmiş prezidentinin Yaxın Şərq üzrə elçisi Stiv Vitkoff HƏMAS-ı İsrail girovlarını Donald Trampın andiçmə mərasiminədək azad etməməsinin nəticələri barədə xəbərdar edib.

“Report” “Reuters”ə istinadən xəbər verir ki, S.Vitkoff, həmçinin Trampın yanvarın 20-də vəzifəyə başlamasından əvvəl HƏMAS və İsrail arasında atəşkəsə nail olunacağına ümid etdiyini bildirib.

"Prezidentin nə dediyini eşitdiniz: girovları azad etsələr yaxşı olar. Əgər azad etməsələr, onlar üçün yaxşı gün olmayacaq", - o vurğulayıb.

Agentlik qeyd edib ki, D.Tramp ötən həftə HƏMAS girovları andiçmə mərasiminədək azad etməyi tələb edib, əks təqdirdə onların "cəhənnəm əzabı" ilə üzləşəcəyini bəyan edib.

Oxşar xəbərlər

Trampın xüsusi nümayəndəsi 46 günə Qəzzada atəşkəsə nail olmaq niyyətindədir

KİV: HƏMAS liderinin cəsədi Qəzzada saxlanılan İsrail girovları ilə mübadilə edilə bilər

İsrail Qəzzada hərbi əməliyyatların dayandırılması şərtini açıqlayıb