Ukrayna Prezident Ofisinin rəhbəri Andrey Yermak ABŞ-nin Ukrayna və Rusiya üzrə xüsusi nümayəndəsi Kit Kelloqla telefon danışığı zamanı onun Kiyevə səfərini müzakirə edib.

“Sizinxeber.az” Ukrayna KİV-lərinə istinadən xəbər verir ki, bu barədə o, sosial şəbəkələrdə paylaşım edib.

"ABŞ-nin Ukrayna və Rusiya üzrə xüsusi nümayəndəsinin ölkəmizə planlaşdırılan səfərini müzakirə etdik. Ədalətli və dayanıqlı sülh Ukrayna üçün prioritetdir", - A.Yermak qeyd edib.

Bundan əlavə, o, K.Kelloqla cəbhədəki vəziyyəti və Ukrayna mülki əhalisinin təhlükəsizliyi məsələsini, həmçinin fevralın 14-16-da keçiriləcək Münxen Təhlükəsizlik Konfransında gözlənilən görüşlər barədə müzakirə apardığını bildirib.

A.Yermakın sözlərinə görə, Ukrayna tərəfi konfransda münaqişənin başa çatdırılması ilə bağlı öz baxışını təqdim edəcək, lakin bundan əvvəl ABŞ ilə məsləhətləşmələr aparmağı planlaşdırır.

Oxşar xəbərlər

Münhen konfransında Trampın Ukrayna ilə bağlı planı təqdim ediləcək

Zelenskinin nümayəndəsi: Ukrayna hazırda Rusiya ilə danışıqlara hazır deyil

Şimali Koreya hərbçilərinin Rusiya-Ukrayna münaqişəsində iştirakı müzakirə edilib

Blinken və Yermak Kiyevə hərbi yardımı müzakirə ediblər