Türkiyə və Ermənistan Ani körpüsünün bərpa edilməsini müzakirə edib.

"Sizinxeber.az" xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu "X" sosial media hesabında yazıb.

Nazir Ermənistanın regional idarəetmə və infrastruktur naziri Davit Xudatyan ilə görüşdüyünü və iki ölkə arasında keçmişdə fəal şəkildə istifadə olunan dəmir və avtomobil yolları əlaqələrinin yenidən bərpasını müzakirə etdiklərini qeyd edib.

A.Uraloğlu bildirib ki, bu istiqamətdə Türkiyədə zəruri təmir-bərpa işlərinə başlanılması ilə yanaşı, Ermənistan tərəfinin hazırlıq və tender proseslərində gəldiyi mərhələni də dəyərləndiriblər.

Nazirlər eləcə də Ani körpüsünün bərpası ilə bağlı prosesi nəzərdən keçirərək, ortaq tarixin mühüm izlərindən birini yenidən həyata qaytaracaq addımlar ətrafında fikir mübadiləsi aparıblar.

Oxşar xəbərlər

Ermənistan Ani körpüsünün bərpası ilə bağlı Türkiyəyə öz yanaşmalarını təqdim edib

Abdulkadir Uraloğlu: Zəngəzur dəhlizi Türkiyə, Azərbaycan və Ermənistan arasında sülhə töhfə verəcək

Türkiyə və Ermənistan Ani körpüsünü birlikdə bərpa etmək barədə razılığa gəliblər

Azərbaycan və Türkiyə Bakı-Tbilisi-Qars layihəsinin inkişafını müzakirə edib

Ermənistanla Türkiyə arasında ticarət dövriyyəsi və yük daşımaları müzakirə ediləcək