ABŞ ilə İran arasında İslamabad razılaşmasının bəzi detalları açıqlanıb.

"Report" xəbər verir ki, bu barədə "Tasnim" agentliyi məlumat yayıb.

"Razılaşmanın 13-cü bəndi bununla bağlıdır ki, memorandumun bəzi digər bəndləri icra olunmayana qədər yekun sənəd, yəni nüvə məsələsi ilə bağlı danışıqlar aparılmayacaq", - məlumatda bildirilib və əlavə olunub ki, danışıqların son gününə qədər 13-cü bənd 4, 5, 10 və 11-ci bəndləri əhatə edirdi.

Qeyd edilib ki, 4-cü bənd dəniz mühasirəsinin ləğvinə, 5-ci bənd Hörmüz boğazının yenidən açılmasına, 10-cu bənd İranın neft, neft-kimya məhsulları və onların törəmələrinin satışına sanksiyaların ləğvinə, 11-ci bənd İranın dondurulmuş aktivlərinin azad edilməsinə aiddir:

"Danışıqların son günündə baş verən mühüm hadisə o oldu ki, İranın səyləri nəticəsində 1-ci bənd də 13-cü bəndə əlavə edilib. Əgər İranda və ya müqavimət cəbhəsində, o cümlədən Livanda hər hansı hərbi əməliyyat baş verərsə, yekun razılaşma üçün heç bir danışıq aparılmayacaq və təbii olaraq razılaşmanın icrası (o cümlədən Hörmüz boğazının açılması) 13-cü maddəyə əsasən dayandırılacaq".

Oxşar xəbərlər

Qlobal fond bazarlarında kəskin eniş müşahidə edilir - İNDEKSLƏR

ABŞ və Avropa fond bazarlarında eniş müşahidə olunur - İndekslər

Azərbaycan manatının real effektiv məzənnəsi azalıb

Azərbaycan manatının nominal və real effektiv məzənnələri azalıb

Azərbaycan manatının nominal effektiv məzənnəsi artıb