Türkiyədə süni intellekt (Sİ) layihələrinin həyata keçirilməsi üçün ən azı 10 milyard dollar özəl vəsait ayrılacaq.

"Sizinxeber.az" xəbər verir ki, bu barədə Türkiyə Prezidenti Rəcəb Tayyib Ərdoğan məlumat verib.

"Türkiyə müdafiə sənayesində toplanmış təcrübə və imkanlarını digər sahələrə, xüsusən də süni intellekt sahəsində ötürmək üçün intensiv səylər göstərir. Məlumat mərkəzi infrastrukturunun, bulud texnologiyalarının və süni intellektinin inkişafı üçün ən azı 10 milyard dollar özəl investisiya səfərbər edəcəyik.

Dövlət investisiya proqramlarımızın ən azı 2%-ni süni intellekt layihələrinə ayıracağıq. 2030-cu ilə qədər ölkəmizdəki məlumat mərkəzlərinin quraşdırılmış tutumunu ən azı 1 QVt-a çatdıracağıq. Biz OECD, G20, BMT və digər beynəlxalq forumlarda insan mərkəzli süni intellekt standartlarının hazırlanmasında fəal rol oynayacağıq. Ümid edirəm ki, birlikdə Türkiyəni süni intellekt dövründə aparıcı ölkəyə çevirəcəyik", - deyə o əlavə edib.

Oxşar xəbərlər

"Microsoft" Avstraliyada süni intellekt infrastrukturunun inkişafına 18 mlrd dollar yönləndirəcək

Yaponiya və ABŞ birgə süni intellekt layihələrinə 1 milyard dollar sərmayə qoyacaq

Elnur Əliyev: "Azərbaycan 2040-cı ilədək süni intellekt sektorunda 40 milyard dollarlıq əlavə dəyər yaratmağı hədəfləyir"

Ermənistanda süni intellekt nazirliyinin yaradılması planlaşdırılır

Britaniya süni intellekt üçün superkompüterin yaradılmasına 1 milyard dollar yatırım edir