ABŞ ordusu, Baş komandanın əmri ilə İrandakı hədəflərə əlavə zərbələr endirməyə başlayıb.

"Report" xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

"Şərq Sahil Vaxtı ilə saat 17:15-də (Bakı vaxtı ilə 11 iyun saat 01:15 - Qeyd) Ali Baş Komandanın əmri ilə Mərkəzi Komandanlıq qüvvələri İrandakı bir sıra hədəflərə qarşı özünümüdafiə məqsədilə əlavə zərbələr endirməyə başlayıb", - deyə bəyanatda bildirilib.

01:17

Fars əyaləti ərazisində partlayışlar baş verib, hava hücumundan müdafiə sisteminin işləməsi mümkündür.

"Report" xəbər verir ki, bu barədə "Mehr" agentliyi məlumat yayıb.

Qeyd olunub ki, partlayışlar şəhərin xaricində baş verib. Agentlik həmçinin Kiş adasından uzaqda partlayış səsləri barədə məlumat yayıb.

Bundan başqa Tehranın qərbində, ölkənin cənubundakı Sirik və Minab rayonlarında da partlayışlar barədə məlumatlar var.

Qeyd edək ki, ABŞ-nin hərbi naziri Pit Heqset bu gün İrana qarşı güclü zərbələr endiriləcəyini açıqlayıb.

Oxşar xəbərlər

ABŞ İrana zərbələr endirməyə başlayıb

"Mehr": İranın Fars əyalətində və Kiş adasının yaxınlığında partlayışlar baş verib

ABŞ Ordusu İrana zərbələrin başa çatdığını elan edib – YENİLƏNİB

ABŞ İranın bir sıra ərazilərinə zərbələr endirib

İsrail ordusu bir gündə İranda 200-dən çox obyektə hücum etdiyini açıqlayıb