Müstəqil Dövlətlər Birliyinə (MDB) üzv dövlətlərin təhlükəsizlik və xüsusi xidmət orqanları rəhbərləri əməkdaşlığın təkmilləşdirilməsini müzakirə edəcək və terror fəaliyyətinə qarşı mübarizə sahəsində təcrübə mübadiləsi aparacaqlar.

"Sizinxeber.az" xəbər verir ki, bu barədə Rusiya Federal Təhlükəsizlik Xidmətinin ictimaiyyətlə əlaqələr mərkəzi məlumat yayıb.

Vurğulanıb ki, 26 may 2026-cı il tarixində İrkutsk vilayətində MDB-yə üzv dövlətlərin təhlükəsizlik və xüsusi xidmət orqanları rəhbərləri Şurasının 58-ci iclası keçiriləcək.

Belə ki, görüşdə MDB üzv dövlətlərinin xüsusi xidmət orqanlarının əsas fəaliyyət sahələrində qarşılıqlı əlaqəsinin təkmilləşdirilməsinə diqqət yetiriləcəyi gözlənilir.

"Xüsusilə, birlik məkanında dini radikalizmin eskalasiyasına qarşı mübarizə və transmilli terrorçuluq fəaliyyətinin neytrallaşdırılması sahəsində təcrübə mübadiləsinin aparılması planlaşdırılır. Bundan əlavə, kollektiv antiterror müdafiə sisteminin vəziyyəti qiymətləndiriləcək və 2025-ci ildə keçirilən birgə antiterror təlimlərinin nəticələri nəzərdən keçiriləcək.

Görüş iştirakçıları 2023-2025-ci illər üçün terrorizm və ekstremizmə qarşı mübarizədə əməkdaşlıq proqramının icrasına ümumi baxış keçirəcək və 2025-2027-ci illər üçün deradikalizasiya üzrə əməkdaşlıq proqramının gedişatını müzakirə edəcəklər", - deyə məlumatda qeyd olunub.

Oxşar xəbərlər

MDB-nin xüsusi xidmət orqanları Birlik ölkələrinə girişdə terrorçuların müəyyən edilməsini müzakirə edəcəklər

MDB-yə üzv dövlətlərin xüsusi xidmət orqanları rəhbərlərinin növbəti görüşü keçirilib

MDB məkanında müəyyən maraqları olan qüvvələrin kəşfiyyat-pozuculuq fəaliyyətinə qarşı mübarizə müzakirə olunub

Daşkənddə terrorizmlə mübarizə üzrə MDB və ŞƏT-in konfransı keçiriləcək

MDB-yə üzv dövlətlərin təhlükəsizlik orqanlarının növbəti iclası keçirilib