Azərbaycan Respublikasının Moskvadakı fövqəladə və səlahiyyətli səfiri Rəhman Mustafayevin Rusiya xarici işlər nazirinin müavini Mixail Qaluzinlə görüşü baş tutub.

"Report" xəbər verir ki, bu barədə Rusiya Xarici İşlər Nazirliyi (XİN) məlumat yayıb.

Rusiya-Azərbaycan gündəliyindəki cari məsələlər ətrafında fikir mübadiləsi aparan diplomatlar qarşıdan gələn yüksək səviyyəli əlaqələri, ikitərəfli əməkdaşlığın hazırkı vəziyyətini və perspektivlərini müzakirə ediblər.

"Cənubi Qafqazda və Xəzər regionunda sülhün, sabitliyin və əməkdaşlığın əsaslarının möhkəmləndirilməsi də daxil olmaqla, çoxşaxəli Rusiya-Azərbaycan müttəfiqliyinin daha da gücləndirilməsi üçün məhsuldar birgə işi davam etdirmək barədə qarşılıqlı öhdəlik ifadə edilib", - deyə məlumatda qeyd olunub.

Oxşar xəbərlər

Bakı və Moskva arasında kritik müzakirə

Mustafayev və Qaluzin Azərbaycan-Rusiya münasibətlərini müzakirə ediblər

Qaluzin və Mustafayev Moskva ilə Bakı arasında əməkdaşlıq perspektivlərini müzakirə ediblər

Azərbaycan səfiri Rusiya XİN müavininə Bakının sülh müqaviləsinə dair mövqeyini təqdim edib

Xələf Xələfov Moskvada Azərbaycan-Rusiya münasibətlərinin inkişafını və AQEM gündəliyini müzakirə edib