Gürcüstan Daxili İşlər Nazirliyinin (DİN) Miqrasiya Departamenti və aidiyyəti qurumlarla birgə həyata keçirdiyi kompleks tədbirlər nəticəsində aralarında Azərbaycan vətəndaşının da olduğu 28 əcnəbi şəxs ölkədən deportasiya edilib.

"Report"un Gürcüstan bürosu xəbər verir ki, bu barədə DİN məlumat yayıb.

Bildirilib ki, deportasiya olunan şəxslər Azərbaycanla yanaşı, Belarus, Misir, İraq, Türkiyə, Türkmənistan, Hindistan, İordaniya, İran, İsrail, Pakistan, Rusiya və Çin vətəndaşlarıdır.

“Mövcud qanunvericiliyə əsasən, ölkədən çıxarılan əcnəbilərin Gürcüstana girişi qadağan olunub”, - deyə məlumatda qeyd edilib.

Nazirlikdən bildirilib ki, Miqrasiya Departamentinin əsas vəzifələrindən biri ölkədə qanunsuz miqrasiya hallarının aşkarlanması və qarşısının alınmasıdır. Departament, eyni zamanda, Gürcüstanda qanuni əsaslar olmadan yaşayan əcnəbilərin müəyyən edilərək ölkədən çıxarılmasını həyata keçirir.

Oxşar xəbərlər

Gürcüstandan Azərbaycan vətəndaşları da daxil olmaqla 34 əcnəbi deportasiya edilib 

Mart ayında Gürcüstandan aralarında Azərbaycan vətəndaşlarının da olduğu 97 əcnəbi deportasiya edilib

Gürcüstandan çox sayda əcnəbi deportasiya edilib, azərbaycanlı da var

Gürcüstandan 96 əcnəbi deportasiya edilib, azərbaycanlı da var

Gürcüstanda 15 xarici vətəndaş deportasiya edilib