Yunanıstan sahil mühafizəsi son günlər Aralıq dənizində ölkənin Rodos, Qavdos və Krit adaları yaxınlığında qayıqlarda olan 600-dən çox qeyri-qanuni miqrantı xilas edib.

“Report” xəbər verir ki, bu barədə Afina Makedoniya İnformasiya Agentliyi məlumat yayıb.

Qeyri-qanuni şəxslərin dediyinə görə, onlar Türkiyənin Fethiye bölgəsindən yaxta ilə gəliblər və hər biri 5500 avro pul ödəyib.

Sahil mühafizəsi həmçinin mayın 23-dən 25-dək Qavdos adasının sularında 446 nəfəri və Kritin Heraklionun cənubundakı çimərliklərdə daha 104 nəfəri xilas edib. Gələnlərin böyük əksəriyyəti kişilər, iki qadın və 18 azyaşlı olub.

Miqrantlar arasında insan qaçaqmalçılığı ilə məşğul olan 5 nəfər müəyyən edilərək həbs edilib. Kritə gələn miqrantların əksəriyyəti sudanlı olsa da, misirlilər və liviyalılar da var olub. Sahil təhlükəsizlik mənbələrinin məlumatına görə, bütün qayıqlar Liviya sahillərindən yola düşüb.

Oxşar xəbərlər

Tunis sahillərində 2,6 mindən çox miqrant xilas edilib

Türkiyə sahillərində onlarla qanunsuz miqrant xilas edilib

Seneqal sahillərində 200-dən çox miqrantı daşıyan qayıq saxlanılıb

İtaliya sahillərində 20-dən çox miqrant itkin düşüb

Kanar adaları yaxınlığında miqrantların olduğu qayıq batıb, ölənlər var