bp şirkəti Bakı-Supsa neft kəmərinin operatorluğunu 8 iyulda təhvil verəcək.

"APA-Economics" xəbər verir ki, bu barədə jurnalistlərə açıqlamasında bp-nin Azərbaycan, Gürcüstan və Türkiyə üzrə regional prezidenti Cio Kristofoli deyib.

Onun sözlərinə görə, kəmərin Azərbaycan hissəsi üzrə operatorluq Azərbaycan, Gürcüstan hissəsi isə Gürcüstan hökümətinə təhvil veriləcək.

Bununla yanaşı, iyun ayının əvvəllərində Bakı-Tbilisi-Ceyhan kəməri üzrə operatorluq müvafiq hissələr üzrə SOCAR-a veriləcək.

Xatırladaq ki, bu ilin may ayında Azərbaycan və Gürcüstan Bakı-Supsa neft kəmərinin fəaliyyətinin bərpası barədə razılığa gəliblər. Bakı-Supsa ixrac marşrutu Azəri-Çıraq-Günəşli yataqlar blokundan hasil olunan neftin nəqli üçün nəzərdə tutulub. 1999-cu ilin aprelində istismara verilən kəmərin uzunluğu 837 kilometr, illik ötürücülük qabiliyyəti isə 7 milyon tondan çoxdur.

Oxşar xəbərlər

Qazaxıstan Bakı-Supsa kəmərini mümkün neft ixracı marşrutları arasında qiymətləndirir

Ötən il Bakı-Supsa boru kəməri ilə ixrac edilən neftin həcmi açıqlanıb

Bakı-Supsa kəməri ilə indiyədək nəql olunan neftin həcmi açıqlanıb

Bakı–Supsa neft kəməri ilə indiyədək 740 milyon barelə yaxın neft nəql olunub

SOCAR iyulun 1-dən BTC kəmərinin operatoru olacaq