Həyat yoldaşını qətlə yetirdiyinə görə 24 il həbs cəzasını koloniyada çəkməli olan Qazaxıstanın sabiq iqtisadiyyat naziri Kuandıq Bişimbayev həbsxanadan yoxa çıxıb.

APA xəbər verir ki, bu, AIRAN telekanalının jurnalistlərinin araşdırması sayəsində məlum olub.

“Keçmiş nazir Arşalı kəndindəki cəzaçəkmə müəssisəsində olub, lakin onu orada tapmaq mümkün olmayıb”, - AIRAN telekanalı xəbər verir.

Bişimbayevin saxlanmalı olduğu koloniyada olmaması barədə məlumatı vəkili də təsdiqləyib.

Qazaxıstanın hüquq-mühafizə orqanları Bişimbayevin yoxa çıxmasından sonra harada olması ilə bağlı hələlik rəsmi açıqlama verməyib.

Xatırladaq ki, Qazaxıstanın sabiq naziri Bişimbayev həyat yoldaşı Saltanat Nukenovanın qətlinə görə 24 il müddətinə azadlıqdan məhrum edilib.

Oxşar xəbərlər

Rusiyada altı məhkum həbsxanadan qaçıb

Həbsdə məhkum yoldaşını öldürməyə cəhddə təqsirləndirilən şəxsə hökm oxunub

Kürdəmirin sabiq icra başçısı ilə birgə həbs edilən baş həkim azadlığa buraxılıb

Gəncədə keçmiş həyat yoldaşını bıçaqlayan kişi tutulub

Volqoqradda 3 təcridxana əməkdaşını qətlə yetirən məhbuslar İŞİD üzvləridir - YENİLƏNİB