Rusiya Kiyevlə həm açıq, həm də qapalı təmasları saxlayır.

Bunu Rusiya Prezidentinin köməkçisi Yuri Uşakov jurnalist Pavel Zarubinə açıqlamasında deyib.

“Bizim Kiyev rejimi ilə həm açıq, həm də qapalı təmaslarımız var. Açıq təmaslar Rusiya-Ukrayna danışıqlarının bir neçə raundu keçirilərkən mövcud idi”, – deyə Uşakov bildirib.

O bu açıqlamanı rusiyalı bir iş adamının Kiyevə gedərək Moskvaya müəyyən məlumatlar çatdırmaq planları ilə bağlı suala cavab olaraq verib.

Bundan əvvəl Rusiya Prezidenti Vladimir Putin Sankt-Peterburq Beynəlxalq İqtisadi Forumu çərçivəsində keçirilən plenar iclasda Kiyevə səfər etmiş tanınmış bir sahibkarın Moskvaya mesaj gətirdiyini açıqlayıb. Lakin nə Putin, nə də Uşakov həmin iş adamının adını açıqlayıb.

“Kiyevə kifayət qədər iri biznesmen gedib. Onu çoxları tanıyır”, – deyə Uşakov əlavə edib.

Oxşar xəbərlər

Uşakov: Tramp-Putin görüşü çətin ki, gələn həftə baş tutsun

Uşakov: Putin Lavrov vasitəsilə Trampa heç bir mesaj çatdırmayıb

Uşakov: Rusiya və ABŞ prezidentlərinin görüşünün proqramı artıq razılaşdırılıb

Tramp və Putin faşizm üzərində qələbə münasibətilə bir-birini təbrik edib

Dekabrın 25-də MDB ölkələri liderlərinin görüşü keçiriləcək