ABŞ Prezidenti Donald Tramp maliyyə naziri Skot Bessent və komandasına Londonda ABŞ-Çin danışıqları ərəfəsində bəzi ixrac məhdudiyyətlərinin aradan qaldırılması imkanlarını Pekinlə müzakirə etməyi tapşırıb.

“Report” xəbər verir ki, bu barədə “The Wall Street Journal” mənbələrə istinadən məlumat yayıb.

Qeyd olunub ki, təyyarə mühərrikləri və onlar üçün komponentlər, mikroçiplərin istehsalı üçün proqram təminatı, eləcə də plastik məmulatların istehsalında istifadə olunan təbii qazın tərkib hissəsi olan etan kimi malların Çinə ixracına qoyulan məhdudiyyətlərin aradan qaldırılması imkanları nəzərdən keçirilir. Bu çatdırılmalara məhdudiyyətlər əvvəllər rəsmi olaraq elan edilməyib.

Mənbələr bildiriblər ki, strategiya ABŞ sənayesinin etibar etdiyi nadir torpaq elementlərinə Çinin ixrac nəzarətinin təsirini əks etdirir.

Qeyd edək ki, ABŞ və Çin nümayəndə heyətləri arasında danışıqların gələn həftə Londonda keçirilməsi planlaşdırılır.

Oxşar xəbərlər

Tramp Aİ-dən Çin məhsullarına əlavə rüsumların tətbiq ediləsini istəyir

Tramp prezidentliyinin ilk günlərində neft və qaz hasilatına qoyulan məhdudiyyətləri aradan qaldıracaq

KİV: Tramp Aİ-dən Çindən idxala yeni rüsumlar tətbiq etməsini tələb edir

Tramp Pekini Çin bazarlarını Amerika malları üçün açmağa çağırıb

Tramp inauqurasiyadan sonra 100 gün ərzində Çinə səfər etmək niyyətindədir